Дроны ўдарылі па НПЗ у Сызрані

• 19.02.2025, 8:25

Успыхнуў пажар.

Уночы 19 лютага невядомыя дроны атакавалі Сызранскі НПЗ у Самарскай вобласці. Расейцы сцвярджаюць, што на аб'екце пачаўся пажар.

Пра гэта паведамляе РБК-Украіна са спасылкай на расейскія Telegram-каналы.

Мясцовыя жыхары расказалі каналу Mash, што а 02:45 паводле мясцовага часу яны чулі мінімум тры выбухі ў раёне НПЗ. На гэты момант у раёне аб'екта пажар. Таксама ў сацсетках сталі з'яўляцца першыя кадры агню.

Тым часам губернатар Самарскай вобласці Вячаслаў Фядорышчаў пацвердзіў інфармацыю і сцвярджае, што абышлося без пацярпелых

«На тэрыторыі прадпрыемства працуюць аператыўныя і экстраныя службы. Паводле папярэдняй інфармацыі, пацярпелых няма. У рэгіёне захоўваецца небяспека атакі БпЛА», - заявіў ён.