Ізраіль ліквідаваў высокапастаўленага баевіка ХАМАС у Лібане

• 17.02.2025, 17:19

ЦАХАЛ падкрэслівае, што ён быў важнай крыніцай ведаў у тэрарыстычнай арганізацыі.

Ізраільскія воіны нанеслі авіяўдар па горадзе Сайдзе (Лібан). У выніку атакі быў ліквідаваны высокапастаўлены камандзір ХАМАС Мухамад Шахін.

Пра гэта сказана ў заяве Арміі абароны Ізраілю (ЦАХАЛ), паведамляе The Times of Israel.

Як сцвярджаюць у ЦАХАЛ, Шахін быў кіраўніком аперацый ХАМАС у Лібане.

Дарэчы, ліквідаваны баявік удзельнічаў у арганізацыі тэрарыстычных атак супраць ізраільскіх грамадзян пры іранскім фінансаванні і кіраўніцтве.

- Шахін быў важнай крыніцай ведаў у арганізацыі і цягам усёй вайны ўдзельнічаў у арганізацыі розных тэрарыстычных нападаў, уключаючы ракетныя абстрэлы ізраільскага тылу, - удакладнілі ў Арміі абароны Ізраілю.