У Беларусі паскараецца інфляцыя

• 16.02.2025, 16:32

Чыноўнікі ўважаюць за лепшае не казаць пра гэта.

У Беларусі ў студзені паскорылася базавая інфляцыя, якую разлічваюць без уліку сезоннасці. Як паведамляе Нацбанк, у мінулым месяцы яна была на ўзроўні 5,7% гадавых, піша «Зеркало».

Для параўнання: у снежні і лістападзе мінулага года базавая інфляцыя была на ўзроўні 5,5%. Гэта значыць калі прыбраць папраўку на сезонную змену коштаў (да прыкладу, на пэўную гародніну і садавіну), то базавая інфляцыя паскараецца ў росце.

«Звычайная» інфляцыя (тая, якую Белстат падлічвае з улікам сезоннага падаражання або патаннення тавараў), у студзені склала ў гадавым вылічэнні - 5,2%. Для параўнання: летась у снежні яна таксама была на ўзроўні 5,2%.

Утрымліваць інфляцыю ў межах адназначнай лічбы шмат у чым удаецца за кошт жорсткага цэнавага дзяржрэгулявання, якое ўвялі ў кастрычніку 2022 года. Раней экспэрты гэтага банка прагназавалі, што беларускія чыноўнікі пойдуць на паслабленне цэнавага рэгулявання для таго, каб палепшыць фінансавы стан прадпрыемстваў з-за «назапашаных цэнавых выдаткаў».