Відэакамеры ў Польшчы зафіксавалі незвычайных жывёлін

• 13.02.2025, 11:24

Гэтае вельмі незвычайнае відовішча.

Устаноўленыя ў польскіх лясах відэакамеры зафіксавалі рэдкіх чорных ваўкоў, якія пераходзілі праз раку. Гэтым відэа, якое было зроблена ў цёплую пару года, польскія навукоўцы падзяліліся ў мінулыя выходныя, піша Delfi. Ваўкі папаліся ў аб'ектыў камер, усталяваных для... назіранні за бабрамі.

CNN паведамляе, што працаўнікі SAVE Wildlife Conservation Fund Poland зараз вывучаюць генетыку чорных ваўкоў.

Падчас ажыццяўлення праекта навукоўцы бачылі чорных ваўкоў некалькі разоў - яны пераходзілі раку ўброд разам са сваімі шэрымі субратамі.

Са слоў каардынатара праекту Ёаны Тачыдлоўскай, гэта вельмі незвычайнае відовішча.

Са звестак AP, у Польшчы жыве блізу 3000 ваўкоў.

Чорны воўк - меланістычны варыянт шэрага ваўка. Чорныя ваўкі ўважаюцца за самых рэдкіх з усіх псовых. Такая мутацыя генаў з'явілася тысячы гадоў таму. У Еўропе чорныя ваўкі сустракаюцца вельмі рэдка праз зніжэнне генетычнай разнастайнасці, аднак у ЗША ў Нацыянальным парку Елаўстаўн блізу паловы ваўкоў чорныя.

Мяркуецца, што зафіксаваныя на відэа чорныя ваўкі з адной зграі - гэта падгадаваныя браты і сёстры, як мінімум адзін з іх - самец.

Дзе канкрэтна было зроблена відэа, не паведамляецца.