Беларус завінаваціўся мабільнаму аператару адну капейку 14 гадоў таму

• 11.02.2025, 14:57

Набегла неверагодна вялізная сума штрафу.

Гамяльчук Максім Мішчанка з 2011 года завінаваціўся мабільнаму аператару адну капейку. За 14 гадоў з улікам штрафу яму выставілі да аплаты 15 рублёў, паведамілі ў эфіры ТРК "Гомель".

Мужчына даведаўся пра сваю завінавачанасць выпадкова, калі паспрабаваў купіць на сайце мабільнага аператара планшэт у растэрміноўку.

- Калі я запоўніў усе пункты, націснуў «Аформіць заказ». На сайце выскачыла акно: «Заказ немагчымы. Аплаціце запазычанасці з улікам штрафных санкцый». Я пачаў тэлефанаваць аператару, каб даведацца, што за запазычанасць. Аператар сказала, што ніякай запазычанасці ў мяне няма, параіла проста пакласці пяць рублёў на баланс, - расказаў мужчына.

Гамяльчук прыслухаўся да аператара, але «нічога не змянілася».

- Праз некалькі хвілін аператар мне кажа, што я павінен аплаціць адну капейку з 2011 года. Але з улікам штрафных санкцый - гэта ўжо 15 рублёў.

Мужчына палічыў, што за 14 гадоў яго капейкавая пазыка павялічылася ў 1500 разоў.

- Я спытаў, ці магла гэтая сума далей расці. Мне сказалі, што не ведаюць і што я сам вінаваты, што я сам мушу адсочваць свае запазычанасці. А дзе я магу іх адсачыць, дзе паказваюцца гэтыя запазычанасці?

Гамяльчук напісаў скаргу мабільнаму аператару. У адказе, які мужчына атрымаў ад кампаніі, гаварылася, што "дакументы, якія пацвярджаюць незахаванне ўмоў дамовы, адсутнічаюць, скончыўся тэрмін захоўвання".

“Улічваючы гэтыя акалічнасці кампанія палічыла магчымым ануляваць спісанне сумай 15 рублёў. Названыя грашовыя сродкі вернуты на баланс вашага рахунку”, - гаварылася ў дакуменце.

Адвакат Яўген Курносенка звярнуў увагу, што мабільны аператар "своечасова не накіраваў апавяшчэнне абаненту, што ў яго ёсць запазычанасць".

- Абанент не меў магчымасці належным чынам выканаць абавязанні ў выплаце запазычанасці. З боку аператара быў парушаны адзін з асноўных прынцыпаў грамадзянскіх правадачыненняў - добрасумленнасці і разумнасці ўдзельнікаў грамадзянскіх праваадачыненняў. Штраф не павінен выкарыстоўвацца як сродак узбагачэння спагнанніка, - адзначыў Яўген Курносенка.