У Беларусі з'явіўся новы від махлярства

• 11.02.2025, 14:18

Зламыснікі прапануюць падзарабіць.

У «Белтэлекам» папярэдзілі беларусаў аб распаўсюджванні новага махлярства нібыта ад імя прадпрыемства, паведамляе БелТА.

Так, аферысты пад выглядам «Белтэлекама» пачалі распаўсюджваць у сеціве відэа з нібыта «новымі магчымасцямі для заробку». Ашуканцы прапануюць паўдзельнічаць у фэйкавай інвестыцыйнай платформе нібыта ад «Белтэлекама».

- «Белтэлекам» не мае дачынення да рэсурсу, які прапануе пасіўны заробак, - пракаментавалі на прадпрыемстве.

У прэс-службе кампаніі сказалі беларусам не пераходзіць на падазроныя спасылкі, а таксама не перадаваць свае асабістыя звесткі і не ажыццяўляць пераводы грашовых сродкаў. Пра факт махлярства варта неадкладна паведамляць у міліцыю.