Брытанскі навуковец патлумачыла непрыкметнасць Санта-Клаўса

• 15.12.2016, 9:35

Навуковымі тэорыямі можна растлумачыць любыя цуды.

Навуковец з Эксетэрскага ўніверсітэта ў Вялікабрытаніі Кэці Шын патлумачыла непрыкметнасць Санта-Клаўса з дапамогай навуковых тэорый.

Даследаванне фізіка апублікавана на EurekAlert!.

Шын тлумачыць магчымасць Санта-Клаўса перамяшчацца па планеце, застаючыся непрыкметным для чалавечага вока, выкарыстоўваючы спецыяльную тэорыю адноснасці Альберта Эйнштэйна. Фізік паказвае, што праз перасоўванне на вялікай хуткасці Санта можа мяняць свае памеры і пралазіць у комін, а таксама не старэе.

Паводле падлікаў навукоўца, у навагоднюю ноч чароўны персанаж перамяшчаецца з хуткасцю блізу 10 млн км у гадзіну. Менавіта таму, мяркуе Шын, Санта-Клаўса немагчыма заўважыць.

Бясшумнасць перасоўванняў міфічнай істоты фізік патлумачыла эфектам Доплера (змяненне частоты хваль у залежнасці ад руху крыніцы гэтых хваляў адносна назіральніка).

Публікаваць даследаванні ў аўтарытэтных навуковых выданнях Шын не мае намеру, патлумачыўшы, што зрабіла гэта для дзяцей, каб яны не гублялі веры ў цуд.